हेटौँडा उपमहानगरपालिकाका विभिन्न वडामा डिना उपाध्यायको कार्यकर्ता भेटघाट कार्यक्रम

हेटौँडा । नेपाली कांग्रेसकी नेतृ तथा प्रतिनिधिसभा उम्मेदवार डिना उपाध्याय ले हेटौँडा उपमहानगरपालिकाका विभिन्न वडाहरूमा पार्टी कार्यकर्तासँग भेटघाट कार्यक्रम सञ्चालन गरेकी छन्। डिना उपाध्याय सचिवालयको पहलमा सम्पन्न उक्त कार्यक्रममा स्थानीय कार्यकर्ता, अगुवा र समर्थकहरूसँग प्रत्यक्ष संवाद गरिएको हो।

भेटघाटका क्रममा उपाध्यायले पार्टी संगठनलाई थप मजबुत बनाउँदै जनतासँगको सम्बन्ध सुदृढ गर्न कार्यकर्ताको भूमिका महत्वपूर्ण रहेको बताइन्। उनले हेटौँडाका विभिन्न वडामा रहेका स्थानीय समस्या, जनअपेक्षा र विकासका सम्भावनाबारे कार्यकर्ताबाट प्रत्यक्ष सुझाव संकलन गरिन्।

कार्यक्रममा सहभागी कार्यकर्ताहरूले पार्टी नेतृत्व प्रत्यक्ष रूपमा वडास्तरसम्म आइपुगेकोमा खुसी व्यक्त गर्दै आगामी दिनमा संगठन विस्तार र जनसम्पर्क अभियानलाई अझ सक्रिय बनाउने प्रतिबद्धता जनाएका थिए।

डिना उपाध्याय सचिवालयका अनुसार यस्ता भेटघाट कार्यक्रमले कार्यकर्ताबीच एकता, उत्साह र समन्वय बढाउने विश्वास लिइएको छ। आगामी दिनमा हेटौँडा उपमहानगरपालिकाका अन्य वडाहरूमा पनि भेटघाट तथा संवाद कार्यक्रमलाई निरन्तरता दिने योजना रहेको जनाइएको छ।