पोखरा:
राष्ट्रिय स्वतन्त्र पार्टी (RSP) ले कास्की जिल्लाका तीनै निर्वाचन क्षेत्रमा विजय हासिल गर्दै उल्लेखनीय सफलता प्राप्त गरेको छ।
प्राप्त परिणामअनुसार कास्की–१ बाट खगराज पौडेल (गणेश) विजयी भएका छन्। त्यसैगरी कास्की–२ बाट उत्तम प्रसाद पौडेल विजयी भएका छन् भने कास्की–३ बाट बीना गुरुङ निर्वाचित भएकी छन्।
कास्की जिल्लाका सबै क्षेत्र जित्दै राष्ट्रिय स्वतन्त्र पार्टीले गण्डकी प्रदेशमा आफ्नो प्रभाव बलियो बनाएको राजनीतिक विश्लेषकहरूको भनाइ छ। हालै सम्पन्न निर्वाचनमा RSP ले देशका विभिन्न क्षेत्रमा उल्लेखनीय सफलता हासिल गरिरहेको छ।
विशेषगरी कास्कीमा तीनै क्षेत्र जित्नु पार्टीका लागि महत्वपूर्ण राजनीतिक उपलब्धिका रूपमा हेरिएको छ। यसले आगामी दिनमा पार्टीको राष्ट्रिय राजनीतिमा प्रभाव अझ बढ्ने संकेत गरेको छ।